༄༅། །བོད་ཀྱི་རྒྱལ་ཡོངས་མང་གཙོ་ཚོགས་པ་དང་བོད་ཀྱི་གཞུང་འབྲེལ་མ་ཡིན་པའི་ཚོགས་པ་གཞན་ཁག་ནས༸ཀུན་གཟིགས་༸པཎ་ཆེན་སྐུ་ཕྲེང་བཅུ་གཅིག་པ་རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་༣༤ ལ་ཕེབས་པའི་སྐུའི་འཁྲུངས་སྐར་ལ་བཞུགས་སྒར་ཐེག་ཆེེན་ཆོས་གླིང་གཙུགས་ལག་ཁང་དུ་མཆོད་འབུལ་སྨོན་ལམ་གོ་སྒྲིག་ཞུས།
༸ཀུན་གཟིགས་༸པཎ་ཆེན་རིན་པོ་ཆེ་མཆོག་རྒྱ་དམར་གྱི་བཙོན་འོག་ནས་མྱུར་དུ་གློད་བཀྲོལ་ཐོབ་ཏེ་ཞལ་མཇལ་ཡོང་བའི་སྨོན་ལམ་དང། དེ་བཞིན་བོད་མིའི་བླ་ན་མེད་པའི་དབུ་ཁྲིད་༸ གོང་ས་སྐྱབས་མགོན་ཆེན་པོ་མཆོག་ལ་དད་ལྡན་མང་ཚོགས་རྣམས་ཀྱིས་ཆེད་དུ་རྒྱལ་བའི་ཞབས་བརྟན་དང་བར་ཆེད་ལམ་སེལ་སོགས་སྐུ་གེགས་བར་ཆད་ཞི་བའི་ཞབས་རིམ་སྒྲུབ་འབུལ་ཞུས་ཡོད།
